Սեուլում հարձակման ենթարկված ԱՄՆ դեսպան Մարկ Լիփերթի առողջական վիճակը գնահատվում է կայուն։ Հարձակումից հետո նրան տեղափոխել են Severance Hospital հիվանդանոց, որտեղ նրան վիրահատել են։
Դեպքի վայրում ձերբակալված 55-ամյա Կիմ Հի Ժոնի գործով զբաղվելու է հակաահաբեկչական բյուրոն։ Ակնկալվում է, որ տղամարդուն մեղադրանք կներկայացվի բռնության եւ ահաբեկչության համար, գրում է ՏԱՍՍ-ը։
Նշենք, որ վիրահատությունից հետո դեսպանը Twitter-ում գրել է, որ իրեն լավ է զգում։
Բժիշկները նշում են, որ դեսպանի բախտը բերել է, քանի որ կենսականորեն կարեւոր օրգանները չեն վնասվել։ Լիփերթին վերքերին 80-ից ավել կար են դրել եւ խորհուրդ տվել 3-4 օր մնալ հիվանդանոցում բժիշկների հսկողության ներքո։