«Բարգավաճ Հայաստան» կուսակցության առաջնորդ Գագիկ Ծառուկյանի փեսան՝ Կարապետ Գուլոյանը, դուրս է գալիս ԲՀԿ-ից, բայց մնալու է Աբովյանի քաղաքապետի պաշտոնին: Այս մասին NEWS.am-ի թղթակցին փոխանցեց նրա օգնականը:
Կարապետ Գուլոյանը այդ մասին հայտարարել է ԲՀԿ արտահերթ համագումարի ժամանակ: Նա դադարեցնում է քաղաքական գործունեությունը, բայց մնալու է քաղաքապետի պաշտոնին:
Նշենք, որ ԲՀԿ համագումարում Գագիկ Ծառուկյանը հայտարարել է ակտիվ քաղաքականությունից հեռանալու մասին: Նա առաջարկել է կուսակցության նախագահի ղեկը վստահել Նաիրա Զոհրաբյանին: