ԲՀԿ հիմնադիր Գագիկ Ծառուկյանը վայր չի դնի պատգամավորական մանդատը: Այս մասին, այսօր՝ մարտի 5-ին, ԲՀԿ արտահերթ համագումարից հետո տեղի ունեցած բրիֆինգում հայտարարել է կուսակցության նորընտիր նախագահ Նաիրա Զոհրաբյանը:
Նրա խոսքով՝ մոտ ժամանակներս կքննարկվի ԲՀԿ խմբակցության ղեկավարի ընտրության հարցը: Նա նաեւ նշել է, որ Ծառուկյանը դուրս չի գալիս ԲՀԿ-ից: Զոհրաբյանը հայտնել է, որ ինքը բազմիցս խորհրդարանի նախագահին տեղեկանք է ներկայացրել Գագիկ Ծառուկյանի բացակայությունների վերաբերյալ, եւ դրանք բավարար են եղել ԱԺ կանոնակարգի համաձայն: