Հայաստանում ավելի քան 12 հազար բջջային բաժանորդ ներբեռնել է «Իմ Beeline» ապլետը։ Այս մասին մարտի 5-ին լրագրողներին հայտարարեց «ԱրմենՏել»-ի գլխավոր տնօրեն Անդրեյ Պյատախինը՝ ներկայացնելով 2014թ. ընկերության աշխատանքի արդյունքները։
«Այս ապլետը հնարավորություն է տալիս անջատել ծառայությունները եւ լիցքավորել հաշիվը։ Դա կարելի է անել ինքնուրույն ցանկացած ժամանակ՝ չներկայանալով սպասարկման գրասենյակ։ Ապլետը բավական հայտնի է դառնում իր պարզության եւ հարմարավետության շնորհիվ»,- նշել է Պյատախինը եւ հիշեցրել, որ ծառայությունների դիմաց կարելի է վճարել առցանց ռեժիմով «Ամերիաբանկ»-ի հետ համատեղ ծառայության միջոցով։ Վճարումը կարելի է կատարել սովորական Visa կամ Master քարտով՝ առանց քարտը վիրտուալ գրանցելու, եւ վիրտուալ գրանցված ArCa քարտով։
«ԱրմենՏել»-ը (Beeline ապրանքանիշ) Հայաստանի հեռահաղորդակցման կապի օպերատորներից եւ խոշոր հարկատուներից մեկն է։
