Հնդկաստանում արգելել են «Մոխրագույնի 50 երանգները» էրոտիկ դրամայի ցուցադրությունը: Ըստ Variety-ի, այն չեն ցուցադրելու՝ չնայած այն հանգամանքին, որ Universal Pictures կինոընկերությունը հնդկական կինոթատրոններին ժապավենի գրաքննված տարբերակն է տրամադրել:
Ամենայն հավանականությամբ, Հնդկաստանում ֆիլմերի արտոնագրման համար պատասխանատու գերատեսչության աշխատակիցներին դուր չի եկել ֆիլմում օգտագործվող բառապաշարը:
Ավելի վաղ «Մոխրագույնի 50 երանգները» ֆիլմն արգելվել էր Մալազիայում, Ինդոնեզիայում, Քենիայում, ԱՄԷ-ում, Կամբոջայում, Պապուա-Նոր Գվինեայում, Նիգերիայում եւ Ռուսաստանի հյուսիսկովկասյան հանրապետություններում: Իսկ Ֆիլիպիններում եւ Զիմբաբվեում ցուցադրում են դրա գրաքննված տարբերակը:
«Մոխրագույնի 50 երանգները» ֆիլմը նկարահանել են բրիտանական գրող Է.Լ.Ջեյմսի նույնանուն վեպի հիման վրա: