Որքան էլ արժենան ուտելի ոսկին եւ ճերմակ խավիարը, դրանց գինը, միեւնույն է, զիջում է նոր մթերքի՝ ոսկե խավիարի արժեքին: Դրա մեկ կիլոգրամը վաճառվում է 200 հազար եվրոյով: Ոսկե խավիարը ստանում են ոսկու փաթիլներից եւ ալբինոս-թառափի չորացրած ճերմակ խավիարից:
Ըստ Kedem-ի, ոսկե խավիարը ոսկեգույն փոշի է: Դրանից կարելի է բուտերբրոդների համար ոսկե կարագ պատրաստել, ավելացնել ռիզոտտոյին, սոուսին կամ ապուրին: Դա ուտեստին հետաքրքիր գույն եւ յուրօրինակ համ կտա:
Ոսկե խավիարն արտադրող ավստրիացի ֆերմեր Ուոլթեր Գրուելը հավաստում է, որ այն ստանում է էկոլոգիապես մաքուր ջրերում բնակվող ձկներից, իսկ ուտելի ոսկին ավելացվում է ոչ միայն գեղեցկության եւ գնի, այլեւ մթերքի օգտակար հատկություններն ավելացնելու համար: Համարվում է, որ ոսկին ամրացնում է իմունիտետը: