Եվրասիական միությունում Հայաստանի քաղաքացիներին աշխատանքի տեղավորելու ընթացակարգերը ավելի հեշտ կլինեն, քան այլ երկրների քաղաքացիների համար։ Այդ մասին լրագրողների հետ զրույցում հայտարարել է ՏԿԱԻՆ միգրացիոն ծառայության ղեկավար Գագիկ Եգանյանը։
Նրա խոսքով, ԵՏՄ-ին անդամակցելուց հետո ՀՀ քաղաքացիների համար արտոնություններն ակնհայտ են։ Ռուսաստանում աշխատելու համար ցանկացած այլ երկրի, այդ թվում՝ ԱՊՀ երկրների քաղաքացիները պետք է արտոնագիր ստանան։ Դրա համար պետք է ռուսերենի, պատմության եւ սահմանադրական կարգի քննություն հանձնեն, պետտուրք վճարեն, մի շարք հիվանդություններից զերծ լինելու տեղեկանք ներկայացնեն։ Պետտուրքը յուրաքանչյուր սուբյեկտ ինքն է որոշում, Մոսկվայում, օրինակ, դա հասնում է ամսական 4 հազար ռուբլու։
«Այդ ամենից ՀՀ քաղաքացիներն ազատված են եւ կարող են ՌԴ-ում աշխատանքի տեղավորվել ՌԴ քաղաքացիներին հավասար հիմունքներով»,- ասել է Եգանյանը։