Չինացի Վու Թայը Շանհայի ինտերնետ-սրճարաններից մեկում 19 ժամ շարունակ World Of Warcraft խաղալուց հետո մահացել է: Ըստ The Daily Telegraph-ի, տեսահսկման խցիկներում երեւում է, որ 24-ամյա երիտասարդը նախ հազում է, այնուհետեւ ընկնում:
Ակումբի աշխատակից Սին Լոն նշել է, որ Վու Թայը գունատ եւ հիվանդ տեսք ուներ: «Ես հանկարծ լսեցի, որ նա սկսեց տնքալ: Երբ նրա կողմ նայեցի, տեսա, որ երիտասարդը թաշկինակով բերանից հոսող արյունն է սրբում»,- պատմել է Սին Լոն:
Ըստ Lenta-ի, դեպքի վայր ժամանած շտապօգնության բժիշկները չեն կարողացել փրկել Վու Թային:
Ոստիկանության ներկայացուցիչները հայտարարել են, որ մահվան հստակ պատճառը հայտնի կդառնա դիահերձումից հետո, սակայն մահը, ամենայն հավանականությամբ, վրա է հասել երկար ժամանակ անընդմեջ համակարգչային խաղ խաղալու արդյունքում: