Ժամանակը ցույց տվեց, որ Հայաստանում գաղափարապես ամենազդեցիկ կուսակցությունը Հանրապետականն է։ Այս մասին այսօր՝ մարտի 5-ին, ՀՀԿ ԳՄ նիստից հետո լրագրողներին ասաց ԱԺ փոխնախագահ, ՀՀԿ մամուլի խոսնակ Էդուարդ Շարմազանովը՝ հիշեցնելով իր կես տարվա առաջվա հայտարարությունը, որ «բոլոր ճանապարհներն անցնում են Մելիք Ադամյանով»։
Նրա խոսքով՝ ընդդիմադիր ուժերն այսօր պատրաստվում են առաջիկա ընտրություններին, մինչդեռ ինքը համոզված է՝ առաջիկա տասը տարիներին ՀՀԿ-ն ամենամեծ շանսերն ունի։
«Այսօր ես կարծում եմ, որ ամենամեծ շանսերն ունի Հանրապետականը, բայց կոռեկտ չէ այդ մասին այժմ խոսել։ Դեռ կլինեն սահմանադրական բարեփոխումներ, որից հետո կարելի է հստակ խոսել։ Իսկ ընդհանուր առմամբ, ընդդիմադիր ուժերում խմորումներ են. ՕԵԿ-ում, «Ժառանգություն»-ում, ՀԱԿ-ն իր կարապի երգը երգեց։ ԲՀԿ-ում էլ դեռ կտեսնենք, թե ինչ կլինի»,- ասաց Շարմազանովը։
