Ազգային ժողովի փոխնախագահ, ՀՀԿ մամուլի խոսնակ Էդուարդ Շարմազանովը չի շտապում կարծիք հայտնել «Բարգավաճ Հայաստան» կուսակցության մասին, քանի որ առաջնորդ է փոխվել եւ ժամանակ է հարկավոր հասկանալու համար նրանց որդեգրած քաղաքականությունը։
«Բերեք ժամանակ տանք, իրենք կհայտարարեն իրենց ընդդիմություն, հետո կտեսնենք։ Ազդեցիկ կլինեն, թե ոչ, ժամանակը ցույց կտա։ Մի բան հստակ է՝ մենք որեւէ մեկի հետ անձնական հաշիվներ չունենք, մեր պայքարը եղել է բացառապես երեւույթների դեմ։ Մենք քննարկում ենք մարդու ասածը, բանավեճի առարկա պետք է լինի գաղափարը»,- այսօր՝ մարտի հինգին, ՀՀԿ ԳՄ նիստից հետո լրագրողներին ասաց Շարմազանովը։
Նրա խոսքով՝ եթե ինքն այժմ գովի ԲՀԿ-ին, մարդիկ կասեն՝ «գրպանային ընդդիմություն է»։
«Հակառակ դեպքում էլ կասեն՝ ընկածին խփում եմ»,- հավելեց ՀՀԿ մամուլի խոսնակը։
Նշենք, որ մարտի 5-ին հրավիրված ԲՀԿ 8-րդ արտահերթ համագումարի ժամանակ Գագիկ Ծառուկյանը հայտարարել է կուսակցության նախագահի եւ խմբակցության ղեկավարի պաշտոններից հրաժարվելու մասին։ ԲՀԿ նախագահ է ընտրվել Նաիրա Զոհրաբյանը։ Վերջինս համագումարի ժամանակ հայտարարել է, որ իրենք ընդդիմություն են։