«Իսլամական պետություն» խմբավորման գորհայիններն Իրաքում դավաճանության մեղադրանքով մահապատժի են ենթարկել իրենց 11 հրամանատարներին: Այս մասին հաղորդում է իրանական Fars գործակալությունը:
Մահապատժի պատճառը 150 իսլամիստների, այդ թվում նրանց հրամանատարների փախուստն է Իրաքի Թիքրիթ քաղաքից այն բանից հետո, երբ կառավարական զորքերը մարտի 2-ին լայնամասշտաբ հարձակում էին սկսել: Իրաքի ուժերը (մոտ 30 հազար զինվորական) կարողացել են իրենց վերահսկողության տակ առնել քաղաքի արեւելյան եւ հարավային մասերը, հաղորդում է Lenta-ն:
Թիքրիթի ազատագրումը թույլ կտա զորքերին շարունակել հարձակումը դեպի Մոսուլ, որն Իրաքի մեծությամբ երկրորդ քաղաքն է: Այն այս պահին գտնվում է «Իսլամական պետության» վերահսկողության տակ:
