Հորդառատ անձրեւներն ու հեղեղները ստիպել են Արգենտինայի իշխանություններին երկրի կենտրոնական հատվածներից ընդհանուր առմամբ 6 հազար մարդ տարհանել։
Ըստ հատուկ ծառայությունների տեղեկությունների՝ շարունակվող անձրեւների պատճառով զոհվել է առնվազն մեկ մարդ, եւս մեկը համարվում է անհետ կորած, գրում է La Segunda-ն։
Հատկապես տուժել են Կորդոբա, Սանտա Ֆե, Սան Լուիս եւ Սանտյագո դել Էստերո նահանգները։ Միայն Սանտյագո դել Էստերո նահանգում Ռիո Դուլսե գետի վարարումից վնասվել է 3.5 հազար մարդու ունեցվածք, գրում է «ՌԻԱ Նովոստի»-ն։
Greenpeace էկոլոգիական ընկերությունը հայտարարել է, որ ջրհեղեղը Արգենտինայի կենտրոնական հատվածներում անտառահատման եւ գյուղատնտեսական կուլտուրաների ընդլայնման հետեւանք է։