Մալայզիայի ոստիկանությունը Facebook սոցիալական ցանցում «Իսլամական պետություն» ահաբեկչական խմբավորման ներկայացուցիչների ավելի քան 500 հաշիվ է հայտնաբերել, որոնք զբաղվել են մարդկանց հավաքագրմամբ: Այս մասին հաղորդում է The Star թերթը:
Ոստիկանությունում նշել են, որ բոլոր հայտնաբերված էջերն ակտիվ են: «Մալայզիացիներից մեկն սպառնացել է սպանել իր ընտանիքին, եթե նրանք համագործակցեն կառավարության հետ կամ փորձեն խանգարել «ԻՊ»-ին իր անդամագրմանը»,-նշել են ոստիկանությունում, հաղորդում է Gazeta-ն:
Միաժամանակ, իրավապահ մարմիններում անհանգստություն են հայտնել, որ գրոհայինները նոր մարտավարություն են որդեգրել եւ հավաքագրում են ընտանիքներով: