Իտալիայում լեռնային փրկարարները 200 զբոսաշրջիկների փրկելու գործողություն են իրականացրել, որոնք մնացել են կոտրված ֆունիկուլյորի խցերի մեջ:
Դեպքը տեղի է ունեցել երկրի հյուսիսում գտնվող Վալ Գարդենում:
Ֆունիկուլյորն անջատվել է այն բանից հետո, երբ քամին ծառ է տապալել, որն ընկել է էլեկտրահաղորդման գծի վրա ու վնասել այն:
Փրկարարական գործողությունը տեղի է ունեցել մինչեւ 130 կմ/ժամ արագությամբ քամու առկայության պայմաններում, հաղորդում է BBC-ի ռուսական ծառայությունը:
Փրկարարներին խցերին են հասցրել ուղղաթիռների միջոցով, հետո նրանք մարդկանց իջեցրել են գետնին: