ԱՄՆ-ի մի քանի տասնյակ ֆինանսական հաստատություններում հակառուսական պատժամիջոցների շրջանակներում «Ռոսիա», «Սբերբանկ» եւ «ՍՄՊ Բանկ» ռուսական բանկերի 640 մլն դոլար ընդհանուր արժեքով ակտիվները սառեցվել են։ Այս մասին գրում է Wall Street Journal-ը՝ վկայակոչելով ԱՄՆ ֆինանսների նախարարության տրամադրած տեղեկությունները։
«Ռոսիա» բանկը դարձավ առաջին ռուսական իրավաբանական անձը, որը Ղրիմի անեքսիայից հետո հայտնվեց ամերիկյան պատժամիջոցների ցուցակում։ ԱՄՆ-ում բացատրել են, որ բանկի ակտիվները սառեցվել են այն պատճառով, որ հաստատությունը պատկանում է պատժամիջոցների ցուցակում հայտնված Յուրի Կովալչուկին։
Անցյալ տարվա ապրիլի 28-ին համանման պատժամիջոցներ էին կիրառվել ՍՄՊ Բանկի եւ նրան պատկանող «Սոբինբանկի» նկատմամբ, գրում է «Փրայմ»-ը։
«Ռոսիա» եւ «Սոբինբանկ» բանկերի սառեցված հաշիվների վրա կա 572 մլն դոլար, ինչը 2013թ. կազմել է վարկային կազմակերպության ընդհանուր ակտիվների 10 տոկոսը։ Հիմնական գումարը՝ 435 մլն դոլար, եղել է Computershare ֆինանսական ըւնկերության տրամադրության տակ։ Եւս մի քանի տասնյակ մլն դոլար է սառեցվել Raiffeisen Bank-ի հաշվեհամարներում, տեղեկացնում է WSJ-ն։
