Կոլումբիայի պատմության լավագույն ֆուտբոլիստներից մեկը՝ Ֆաուստինո Ասպրիլյան նույնպես իր համաձայնությունն է տվել մասնակցելու Խորեն Հովհաննիսյանի 60 ամյակի նվիրված ընկերական խաղին 80 - 90-ակնների աշխարհի և ԽՍՀՄ աստղերի միջև, որը տեղի կունենա մարտի 28-ին Երևանում Հանրապետական մարզադաշտում: Այդ մասին NEWS.am-ի թղթակից Վերա Մարտիրոսյանին հայտնեցին միջոցառման կազմակերպիչները: 

Այսպիսով միջոցառման մասնակից երկրների աշխարհագրութունը ավելի լայնացավ  ՝ ընդգրկելով նաև Կոլումբիան:

Ֆաուստինո Ասպրիլյան Կոլումբիայի հավաքականում հանդես է եկել 1993-2001 թթ: Խաղացել է «Պարմա», «Նյուքասլ» և այլ թիմերում:

Մինչ այդ NEWS.am-ը հայտնել էր, որ խաղին մանսկացելու է նաև իտալացի լեգենդար ֆուտբոլիստ Պաոլո Ռոսսին, սակայն առաջացած հրատապ գործերի պատճառով նա չի կարողանա ժամանել:

Ավելի վաղ  NEWS.am-ն արդեն հայտնել էր, որ խաղին մասնակցելու իրենց համաձայնությունն են տվել 2006-ի աշխարհի  իտալացի չեմպիոններ Ջենարո Գատուզոն և Մարկո Մատերացցին, ինչպես նաև Ֆրանկո Բարեզզին, 1998-ի աշխարհի և 2000-ի Եվրոպայի չեմպիոն Ֆրանսիացի Վենսան Կանդելան, ֆիննական ֆուտբոլի լավագույն ֆուտբոլիստ Յարի Լիտմանենը, 1994-ի աշխարհի չեմպիոն բրազիլացի Ալդաիրը,  «Բորուսսիա» Դորտմունդի և «Լիվերպուլի» նախկին ֆուտբոլիստ Պատրկ Բերգերը:

Գերմանացի Ռուդի Ֆյոլերն ու լեհ Զբինգև Բոնեկը չեն կարողանա ժամանալ, քանի- որ այդ օրերին այլ ծրագրեր ունեն, սակայն խնդրել են փոխանցել հոբելյարին առողջություն և ամենայն բարիք: Մոտ օրերս կհաստատվի աշխարհի հավաքականի ամբողաջական ցուցակը:

Հիշեցնենք, որ ԽՍՀՄ հավաքականն ունի հետևյալ կազմը.

Խ. Հովհաննիսյան, Ս. Չերչեսով, Օ. Գաբելիա, Վ. Խիդյատուլին, Յ. Գավրիլով, Ս. Շավլո, Վ. Շմարով, Գ. Յարցեւ, Օ. Ռոմանցեւ, Լ. Բուրյակ, Ա. Միխաիլիչենկո, Վ. Բեսոնով, Ա. Դեմյանենկո, Ի. Բելանով, Ա. Սարգսյան, Ա. Չիվաձե, Տ. Սուլակվելիձե, Վ. Գուցաեւ, Վ.Գազաեւ, Ա. Ցվեյբա, Վ. Կեչինով, Դ. Խլեստով, Ա. Տարխանով, Ս. Գորլուկովիչ. գլխ. մարզիչ՝ Ա. Բիշովեց, մարզիչ՝ Ե. Լովչեւ:

Խաղը տեղի կունենա մարտի 28-ին, ժամը 16.00-ին Հանրապետական մարզադաշտում: Տոմսերն արժեն 500- 1000 դրամ:

Վերա Մարտիրոսյան / Vera&Football