Գյումրու պետական մանկավարժական ինստիտուտի ռեկտոր, պրոֆեսոր Վարդեւան Գրիգորյանն այսօր՝ մարտի 6-ին, «Բարգավաճ Հայաստան» կուսակցությունից դուրս գալու դիմում է ներկայացրել:
NEWS.am-ին ինստիտուտի հասարակայնության հետ կապերի եւ լրատվության բաժնի պետ Աննա Մարտիկյանը փոխանցեց ռեկտորի դիմումը, որում մասնավորապես ասվում է. ««Բարգավաճ Հայաստան» կուսակցության ծրագրի հետ կապված հազարավոր ընտրողների սպասելիքների եւ հույսերի չիրականացման եւ գիտամանկավարժական ոլորտում խիստ ծանրաբեռնված լինելու պատճառով՝ որոշել եմ դադարեցնել իմ անդամակցությունը «Բարգավաճ Հայաստան» կուսակցությանը եւ հրաժարվել թիվ 33 ընտրատարածքի ԲՀԿ խորհրդի նախագահի պաշտոնից»:
Նշենք, որ մարտի 5-ին կայացած ԲՀԿ 8-րդ արտահերթ համագումարի ժամանակ Գագիկ Ծառուկյանը հայտարարեց կուսակցության նախագահի պաշտոնից հրաժարվելու մասին: Այս հայտարարությունից հետո շատ ԲՀԿ-ականներ կուսակցությունից դուրս են եկել: