Ադրբեջանում պաշտոնյան այցելուին կաթվածի է հասցրել: Ըստ haqqin.az-ի, միջադեպը տեղի է ունեցել Նեֆթչալինի շրջանի գործադիր իշխանության շենքում:

Արդյունքում շրջանի 66-ամյա բնակիչ Յուսիֆ Ջաֆարովը սրտի կաթվածից մահացել է:

Ջաֆարովը շրջանի գործադիր իշխանության ղեկավարի մոտ անձնական խնդիրներով է եկել: Նա Salyan OİL ընկերությունում հորատող է աշխատել եւ վերջերս թոշակի է անցել:

Երկար տարիներ նա սիրտ-անոթային խնդիրներ է ունեցել եւ մի քանի տարի առաջ սրտի վիրահատության է ենթարկվել: Պաշտոնյայի ընդունարանում երկարատեւ սպասումը տղամարդուն կաթվածի է հասցրել: