Ժնեւում իր աշխատանքներն է սկսել 85-րդ միջազգային ավտոսրահը։ Մարտի 3-4-ը սրահը բաց է եղել մամուլի համար, իսկ մարտի 5-15-ը այն իր դռներն է բացել այցելուների առջեւ։ Մինչեւ ցուցահանդեսի ավարտը ակնկալվում է, որ ավտոսրահ կայցելի 700 հազարից ավել մարդ, այդ թվում՝ 10 հազար լրագրող։

Ցուցահանդեսի ընթացքում կցուցադրվի 900 մեքենա, որոնց թվում՝ 130 համաշխարհային եւ եվրոպական պրեմիերաներ, գրում է ՏԱՍՍ-ը։

Նշենք, որ շվեյցարական շուկան հրապուրում է խոշոր ավտոարտադրողներին, քանի որ Շվեյցարիայի բնակիչները տարեկան գնում են 300 հազար ավտոմեքենա։

Համաշխարհային ավտոարտադրության հիմնական միտումներից մեկը խնամքն է էկոլոգիայի հանդեպ։ Ցուցահանդեսում ներկայացված շուրջ 100 մեքենա համապատասխանում են Եվրամիության նորմերին, որոնք օրենքի ուժ կստանան միայն 2010թ.։

Նշենք, որ «Տարվա մեքենա-2015» մրցանակը շնորհվել է Volkswagen Passat-ին։