Իրանական բանտի բժիշկները, ղեկավարվելով օրենսդրությամբ եւ շարիաթի «ակն ընդ ական» կանոնով, հանել են դատապարտյալի մի աչքը, որն ազատազրկվել է ծծմբաթթվով մարդ կուրացնելու համար:
Միջադեպից հետո դատավճիռն իրականացրած բուժաշխատողների հասցեին քննադատության ալիք է բարձրացրել:
«Դատապարտյալն անգիտակից վիճակում պառկած էր Քերեջ քաղաքի բանտում, մինչ բժիշկները հանում էին նրա ձախ աչքը: Ժամանակակից Իրանում նման պատիժ առաջին անգամ է կիրառվում»,- գրել է Guardian պարբերականը:
Ենթադրվում էր, որ դատապարտյալին զրկելու են երկու աչքից էլ, սակայն զոհը վերջին պահին խնդրել է կես տարով հետաձգել նրա աջ աչքը հանելու գործը: ՌԻԱ Նովոստիի փոխանցմամբ, բանտի իշխանություններն ընդառաջել են դատապարտյալի վերջին ցանկությանը, որը նախատեսված է օրենքով: Հիմա բանտարկյալը հնարավորություն ունի չեղարկել դատավճիռը վերջնականապես կյանքի կոչելը:
