«Բարգավաճ Հայաստան» կուսակցությունում նախնական քննարկում է եղել խմբակցության քարտուղարի հարցով: ԲՀԿ ղեկավար Նաիրա Զոհրաբյանը NEWS.am-ի թղթակցի հետ զրույցում ասաց, որ ընդամենը նախնական քննարկում է եղել, նպատակահարմար է համարվել Տիգրան Ուրիխանյանի թեկնածությունը: «Որպես պատրաստված կադր, օրենսդիր՝ մենք դիտարկում ենք Տիգրան Ուրիխանյանի թեկնածությունը, բայց քանի որ որոշել ենք այսուհետ ամեն ինչ որոշել կոլեգիալ, ուստի՝ խմբակցությունում կքննարկվի եւ կորոշվի թե ղեկավարի, թե քարտուղարի հարցը»,-ասաց Նաիրա Զոհրաբյանը:
Նշենք, որ ԲՀԿ խմբակցության քարտուղարը Նաիրա Զոհրաբյանն է, ով երեկ ընտրվել է ԲՀԿ առաջնորդ: Հետեւաբար՝ նա կղեկավարի նաեւ ԲՀԿ խմբակցությունը ԱԺ-ում: