Հայոց ցեղասպանության 100-րդ տարելիցի հետ կապված կալիֆորնիական Ֆրեզնո քաղաքում մարտի 8-ին հայկական ժողովրդական երաժշտության բարեգործական համերգ կկայանա: Այս մասին գրում է «The Fresno Bee» պարբերականը:
Համերգին ելույթ կունենան Չուքասզյանի համույքը եւ «Համազգային»-ի «Նաիրի» պարային համույթը: Տոմսերի վաճառքից ստացված հասույթը փոխանցվելու է Կալիֆորնիայի Հայ տանը:
Պարբերականի փոխանցմամբ, վերջին ամիսներին արվեստի ոլորտի, ինչպես նաեւ քաղաքացիական հասարակության տեղական խմբերը գործունեություն են ծավալում Ֆրեզնոյի շրջանում Հայոց ցեղասպանության մասին տեղեկացվածության բարձրացման ուղղությամբ:
