Ամերիկյան Ֆորտ Լոդերդեյլ քաղաքում (Ֆլորիդայի նահանգ) երեք ոստիկաններ հեռացվել են աշխատանքից ւս մեկը ինքնակամ հեռացել է աշխատանքից այն բանից հետո, երբ նրանց անձնական գրագրության մեջ ռասիստական բնույթի հաղորդագրություններ են գտել։
Նրանց կողմից ծառայողական էթիկայի խախտման փաստը հստատվել է 5 ամիս տեւած հետաքննության արդյունքում։
Տեքստային հաղորդագրություններում ոստիկաններն օգտագործել են «նեգր» բառը։
Բացի այդ, ոստիկաններից Ալեքս Ալվարեսը ֆիլմի թրեյլեր է պատրաստել, որտեղ նույնպես վիրավորական արտահայտություններ են եղել։ Թրեյլրի կադրերում օգտագործվել են ԱՄՆ նախագահ Բարաք Օբամայի, ռասիստական «Կու Կլուքս Կլան» կազմակերպության եւ աֆրոամերիկացիների կերպարները, հաղորդում է Lenta-ն։
Ռասիստական նյութերը հայտնաբերել է Ալվարեսի հարսնացուն։ Նա իրավապահներին է դիմել միայն այն ժամանակ, երբ 10 ամիս շարունակվող իրենց ընկերությունը դադարել է։