Ամերիկյան Մինեսոթայի նահանգում երեք մարդու են ձերբակալել գողության պահին այն բանից հետո, երբ նրանցից մեկի գրպանում գտնվող հեռախոսը պատահաբար զանգահարել է 911 արտակարգ ծառայություն: Այս մասին հաղորդում է PzFeed-ը:
Նշվում է, որ զանգն ընդունող օպերատորը լսել է երկու մարդկանց խոսակցությունը, որից ակնհայտ է եղել, որ նրանք գողության են մասնակցում, հաղորդում է Gazeta-ն:
Զանգը տեւել է 34 րոպե, որի ընթացքում սպաներին հաջողվել է պարզել, թե որտեղ է տեղի ունենում հանցագործությունը: Արդյունքում երեք գողերն էլ ձերբակալվել են:
