Թուլացող Ռուսաստանն ուզում է իր արժույթը պարտադրել ԵՏՄ-ին: Այս մասին այսօր՝ մարտի 23-ին, լրագրողների հետ հանդիպման ժամանակ հայտարարել է Հայաստանի գործատուների միության գործադիր տնօրեն Գագիկ Մակարյանը՝ հավելելով, որ մի քանի տարի հետո Ռուսաստանը կկորցնի մրցունակությունը:
Նրա խոսքով՝ Ռուսաստանը մի քանի տասնամյակ հետ է շպրտվել ճշգրիտ մեխանիկայի եւ էլեկտրոնիկայի ոլորտներում, որտեղ արեւմտյան երկրները մեծ ճանապարհ են անցել: «Նույնիսկ Ռուսաստանի ռազմական տեխնիկան հիմնականում 1970-ականների է: Վերջին տարիներին շատ քիչ նոր մշակումներ են եղել, իսկ դա նշանակում է, որ մի քանի տարի անց Ռուսաստանը շատ բաներում կկորցնի մրցունակությունը»,-հայտարարել է Մակարյանը:
Նրա խոսքով՝ հենց այդ, ինչպես նաեւ Ուկրաինայում իրադարձությունների պատճառով Ռուսաստանը ցանկանում է ամրապնդել իր դիրքերը գոնե ԵՏՄ երկրներում՝ առաջարկելով միասնական արժույթ (փաստացի նույն ռուսական արժույթը):
