Beeline-ը հայտարարում է մայրաքաղաքում 3G-ծածկույթի որակի բարելավման մասին: Մասնավորապես, Երեւան քաղաքի կենտրոնական հատվածում` Կոմիտասի պողոտայում եւ Նորք-Մարաշ վարչական շրջաններում տեղադրվել են երկրորդ եւ երրորդ սերնդի նոր բազային կայաններ եւ ցանցի ազդանշանի ուժեղացուցիչներ:
«Beeline-ի բջջային բաժանորդների քանակն աճում է՝ հետեւաբար ավելանում է նաեւ բջջային ինտերնետից օգտագործողների թիվը: Մենք շնորհակալ ենք բոլոր այն մարդկանցից, ովքեր օգտվում են Beeline-ի ծառայություններից։ Հավատացնում եմ, որ մենք շարունակաբար բարելավելու ենք սպասարկման որակն ու կապի ծածկույթը, որպեսզի մեր բաժանորդները կարողանան հեշտությամբ օգտվել Beeline-ի պարզ եւ հարմար ծառայություններից»,- նշեց Հայաստանում Beeline-ի Գլխավոր տնօրեն Անդրեյ Պյատախինը:
Նշենք, որ 2014 թ.-ին Beeline-ը Հայաստանում ռեկորդային թվով GSM եւ 3G ցանցերի բազային կայաններ է տեղադրել:
