Չինաստանի Կունմին քաղաքում 31 մարդու կյանք խլած ահաբեկչության 3 կազմակերպիչներին մահապատժի են ենթարկել, գրում է ՏԱՍՍ-ը՝ վկայակոչելով իշխանություններին։

Կունմինի կայարանի վրա հարձակումը տեղի էր ունեցել 2014թ. մարտի 1-ին։ Դանակներով զինված հանցագործները կարճ ժամանակում սպանել էին 29 մարդու։ Եւս 143 մարդ վիրավորվել էր։ Տեղական մամուլում ահաբեկչությունը ստացել էր «չինական սեպտեմբերի 11» անվանումը։

Իշխանությունները ահաբեկչության մեջ մեղադրել էին Սինցզյան Ույգուրյան ինքնավար շրջանի գրոհայիններին։ Դատարանը ահաբեկչության մեջ մեղավոր էր ճանաչել 4 մարդու, որոնցից 3-ը դատապարտվել էին մահապատժի, իսկ մեկը՝ ցմահ բանտարկության։