Գիտնականները պարզել են, որ Արեգակնային համակարգի անսովոր կառուցվածքը ձեւավորվել է Յուպիտերի՝ նախնական զբաղեցրած դիրքից տեղաշարժվելու հետեւանքով։
Արեգակնային համակարգը, ի տարբերություն մյուս աստղային համակարգերի, ունի անսովոր կառուցվածք։ Արեգակնային համակարգում երկու ամենախոշոր մոլորակները՝ Յուպիտերն ու Սատուրնը, չեն եզրափակում մոլորակների շարքը, ինչպես սովորաբար լինում է. նրանցից հետո տեղակայված են Ուրանն ու Նեպտունը, գրում է Gazeta-ն։
Աստղագետները կազմել են Արեգակնային համակարգի մոդելը նրա ձեւավորման պահին եւ առաջարկել են նրա զարգացման իրենց սցենարը, որի համաձայն՝ Յուպիտեր մոլորակը ի սկզբանե Արեւից գտնվել է 748 մլն կմ (5 աստղագիտական միավոր) հեռավորության վրա, իսկ հետո 3.5 աստղագիտական միավորով տեղաշարժվել է դեպի Արեգակնային համակարգի կենտրոն։ Խոշորագույն մոլորակի միգրացիան ուժեղ ազդեցություն է ունեցել Արեգակնային համակարգ մյուս մոլորակների ձեւավորման վրա։
