Հայաստանը ցանկանում է օտարերկրյա քաղաքացիներին պարգեւտարել Ցեղասպանության ճանաչման գործում կատարած ներդրումների համար։ «Պետական պարգեւների եւ պատվավոր կոչումների» մասին օրենքում համապատասխան փոփոխության նախագիծը ներկայացրել է ՀՀԿ պատգամավոր Արտակ Զաքարյանը։
Հայաստանում արդեն եղել են օտարեկրացիներին պարգեւատրելու նախադեպեր, սակայն օրենքը չի սահմանում, թե որ դեպքերում դրանք կարող են կիրառվել։ Դա հնարավորություն կտա արտասահմանում ավելի շատ արժանի դափնեկիրներ գտնել՝ շնորհակալություն հայտնելով Հայոց ցեղասպանության գործում իրենց ներդրումների եւ ցեղասպանության ժխտման դեմ պայքարելու համար։
«Մխիթար Գոշ» մեդալը իրավունքի ոլորտում պետական բարձրագույն պարգեւ է, որը կշնորհվի օտարերկրյա քաղաքացիներին, քանի որ ցեղասպանությունների դեմ պայքարը առաջին հերթին իրավական է»,- նշել է Զաքարյանը։
Պետությունը օտարերկրյա քաղաքացիներին շնորհակալական մեդալներ կհանձնի նաեւ հասարակական եւ քաղաքական ոլորտներում ծավալած գործունեության համար, պարզաբանել է պատգամավորը։
