Երեւում է, որ հայ զինվորի մասնակցությամբ տեսանյութը ադրբեջանցիները կեղծել են: Այս մասին, այսօր՝ մարտի 24-ին, ԱԺ-ում լրագրողների հետ զրույցում նշել է ՀՀԿ խմբակցության պատգամավոր, գեներալ Սեդրակ (Սեյրան) Սարոյանը՝ մեկնաբանելով ադրբեջանական լրատվամիջոցների տարածած տեսանյութը՝ ադրբեջանական կողմն անցած ԼՂՀ բանակի զինվորի մասին:
«Երեւում էր, որ սարքած էր: Ի՞նչ իմանամ, ինչի է անցել Ադրբեջանի կողմը, իրան հարցրեք: Կարող ա հոգեկան հիվանդ էր ճիշտ ես ասում: Կամ էլ`թուրքի արյուն կա մեջը»,-ասել է Սարոյանը:
Հիշեցնենք, որ մարտի 22-ին՝ ժամը 13:50-ի սահմաններում, ՊԲ արեւելյան ուղղությամբ տեղակայված զորամասերից մեկի մարտական դիրքից, զենք-զինամթերքը թողնելով մարտական հենակետում՝ հակառակորդի կողմն է անցել ՊԲ զինծառայող, 1991թ. ծնված շարքային-պայմանագրային Անդրանիկ Արարատի Գրիգորյանը:
