Հայաստանյան շուկայում գերիշխող դիրք գրավողների կողմից պարբերաբար չարաշահումներ չեն նկատվում: Այս մասին, այսօր՝ մարտի 25-ին, ԱԺ-ում հայտարարել է Տնտեսական մրցակցության պաշտպանության պետական հանձնաժողովի (ՏՄՊՊՀ) նախագահ Արտակ Շաբոյանը՝ ներկայացնելով Հանձնաժողովի 2015-ի աշխատանքի ծրագիրը:
Խոշոր ընկերությունների առկայությունն ու դրանց առավելություն ունենալը խախտում չէ, խախտումն այդ առավելությունները չարաշահելն է, հիշեցրել է Շաբոյանը:
Նրա խոսքով՝ վերջին ամիսներին ՏՄՊՊՀ-ն հետազոտություն է իրականացրել եւ կաթնամթերքի, եւ հանքային ջրերի շուկաներում, որտեղ այդ ընկերությունների կողմից հակամրցակցային գործողություններ չեն հայտնաբերվել:
«Առավելություն նրանք, իհարկե, ունեն, բայց դրանք օբյեկտիվ են եւ բխում են մասշտաբի էֆեկտից, ոչ թե ավելի փոքրերին ճնշելու հետեւանք են»,-հայտարարել է Շաբոյանը:
