Փետրվարի 12-ին Սերժ Սարգսյանի արած հայտարարության մեջ խոսքը ոչ թե Գագիկ Ծառուկյան անհատի, այլ Գագիկ Ծառուկյանի քաղաքական գործունեւության մասին էր։ Այս մասին մարտի 25-ին կայացած մամուլի ասուլիսի ժամանակ հայտարարեց ԱԺ ՀՀԿ խմբակցության պատգամավոր Մկրտիչ Մինասյանը։

Հարցին, թե Գագիկ Ծառուկյան պատգամավորը «չարի՞ք» է արդյոք իշխող ՀՀԿ կուսակցության համար, Մկրտիչ Մինասյանը նշեց. «Պատգամավոր լինելը չի ենթադրում ամբիցիոզ քաղաքական գործունեություն։ Պատգամավոր լինել նշանակում է սեփական քաղաքական տեսակետն արտահայտելուն ուղղված գործունեություն իրականացնել»։

Հարցին, թե Սերժ Սարգսյանը հանձին Գագիկ Ծառուկյանի, իր պաշտոնին սպառնացող վտա՞նգ էր տեսնում, պատգամավորը նշեց, որ ՀՀ նախագահը երկրի ապագային սպառնացող վտանգ էր տեսնում։

Մկրտիչ Մինասյանը նշեց, որ վերջին դեպքերը կատարվեցին այն պարզ պատճառով, որ քաղաքական ամբիցիաները անբնական ընթացք ստացան։