Իսպանիայի ՆԳ նախարար Խոոխե Ֆերնանդես Դիասը հրամայել է հետաքննություն սկսել նախօրեին ավիաղետի զոհերից մի քանիսի հասցեին Twitter-ում վիրավորանքների փաստի առթիվ: Այս մասին հաղորդում է El Mundo պարբերականը:
Վիրավորական արտահայտությունները Twitter-ում հայտնվել են մարտի 24-ին, Ֆրանսիայի հարավում Airbus A320 օդանավի աղետից հետո: Վիրավորանքների պատճառ է դարձել այն փաստը, որ ուղեւորներից մի քանիսը կատալոնացիներ են եղել:
Պարբերականը նշում է, որ հետաքննությունը ատելության հողի վրա կատարվող հանցագործությունների դեմ պայքարի մի մասն է, որը նախաձեռնել է երկրի ՆԳՆ-ն, հաղորդում է «ՌԻԱ նովոստին»:
Germanwings բյուջետային ավիաընկերության Airbus A-320 ինքնաթիռը կործանվել էր Ֆրանսիական Ալպերի դժվարամատչելի տեղանքում։ Օդանավում եղել է 148 ուղեւոր եւ անձնակազմի 8 անդամ։ Ֆրանսիայի նախագահ Ֆրանսուա Օլանդը հայտարարել է, որ նրանք բոլորը, ամենայն հավանականությամբ, զոհվել են։