Նյու Յորքում ապրիլին կայանալիք ավտոշոուի ընթացքում ներկայացվելու է ամերիկյան Lyons Motor Car ընկերության նորույթը։ LM2 Streamliner սուպերքարն առայժմ միջոցառման «գորշ ձիուկն» է, քանի որ դրա մասին տեղեկատվությունը պահվում է հնարավորինս գաղտնի, իսկ մեքենայի արտաքին տեսքի մասին կարելի է դատել միայն համակարգչային նկարներով։
Առայժմ մամուլում հայտնվել է միայն LM2 Streamliner-ի գլխավոր տեխնիկական բնութագիրների նկարագրությունը։ Այսպես, մեքենայի իրանը պատրաստվելու է ածխապլաստիկից, մեքենան ունենալու է երկտուրբինային V8 շարժիչ, 1700 ձիաուժ հզորությամբ։ Մեքենան 60 մղոնը կարողանալու է զարգացնել 2,2 վայրկյանում։
Մասնագետները ծրագրում են ապագայում ստեղծել ավելի հզոր տարբերակը՝ 2500 ձիաուժ հզորությամբ։ Lyons Motor Car-ը հայտնել է, որ բոլոր մեքենաները հավաքվելու են ձեռքով։