Աբու Դաբիի Մազդար ինստիտուտի երկու հայ ուսանողներ ծանոթությունների նոր հավելված են ստեղծել, հաղորդում է տեղի The National պարբերականը:
Jeltee նոր ծրագրի հեղինակները 25-ամյա Ռաֆայել Հարությունյանն ու 27-ամյա Աշոտ Մնացականյանն են:
Jeltee անվանումը վերցված է jaldee բառից, ինչը հնդկերեն նշանակում է »շտապիր»:
Ի տարբերություն համանման հայտնի Tinder բջջային հավելվածի, այստեղ հանդիպելու որոշում կայացնելու համար տրվում է 24 ժամ, որից հետո խոսակցությունն անհետանում է:
Զրույցի սկզբիցվ սկսվում է ժամանակի հետհաշվարկ: Վերջում ընտրությունը մեկն է՝ հրավիրել զրուցակցին հանդիպման:
«Մարդիկ ամիսներով կարող են չաթ անել, լուսանկարներ փոխանակել եւ այդպես էլ ոչ մի անգամ չհանդիպել: Չաթ ու վերջ, հիմարություն է դա»,-հայտարարել է Մնացականյանը:
Ուսանողները կայքը չեն համարում ռոմանտիկ եւ այն առաջարկում են նաեւ որպես սովորական ծանոթությունների եւ ընկերներ ձեռք բերելու հնարավորություն:
«Քանի որ ԱՄԷ-ն շատ բազմազգ է, այստեղ լավ վայր է ծրագրի կենսունակությունը ստուգելու համար»,-հավելել է Մնացականյանը: