Ամերիկյան Ֆլորիդայի նահանգի ոչ մեծ Հադսոն քաղաքում 13-ամյա տղան գնդակահարել է իր կրտսեր եղբորը եւ վիրավորել ավագ եղբորը, ապա ինքնասպան եղել: Այս մասին հայտնել է Պասկոյի շրջանի շերիֆ Քրիս Նոկոն, հաղորդում է ՏԱՍՍ-ը:
Նրա խոսքով՝ երեք եղբայրներ, ենթադրաբար, վիճել են ուտելիքի շուրջ: Այդ պահին մեծահասակները տանը չեն եղել: Դեռեւս անհայտ է, թե որտեղից է տղան վերցրել զենքը:
Մահացած երեխան 6 տարեկան է, վիրավորվածը՝ 16 տարեկան: Այլ մանրամասներ չի հաղորդվում, ընթանում է հետաքննություն: