Հայաստանում այսուհետ դեղերի գները պետական կարգավորման ներքո կլինեն: Այս մասին ասվում է «Դեղերի մասին» օրենքի նոր խմբագրման մեջ, որը հավանության է արժանացել կառավարության այսօր՝ մարտի 26-ին կայացած նիստում:
Առողջապահության նախարար Արմեն Մուրադյանը նշել է, որ կարգավորումը կիրականացնի պետական հանձնաժողովը, որի կազմում կներառվեն պետական մարմինների, դեղամիջոցների արտադրությամբ եւ ներկրմամբ զբաղվող ընկերությունների, ինչպես նաեւ սպառողների իրավունքների պաշտպանությամբ զբաղվող կազմակերպությունների ներկայացուցիչներ: Հանձնաժողովի աշխատանքի կարգը կհաստատի կառավարությունը:
Օրինագծով տրվում են նաեւ դեղերի գովազդին ներկայացվող պահանջները: Այսպես, փաթեթավորման վրա չպետք է լինի գովազդ պարունակող որեւէ գրություն:
Արգելվում է նաեւ ոչ դեղամիջոցներին, այդ թվում կոսմետիկային եւ բիոհավելումներին բուժիչ հատկությունների մասին տվյալներ:
