9 տարի առաջ այս օրը՝ մարտի 26-ին, ռուս վեբ ծրագրավորող Ալբերտ Պոպկովը ռուսալեզու օգտատերերի համար հիմնեց «Օդնոկլասնիկի» նախագիծը։ Ի սկզբանե նախագիծը ծրագրավորողի համար հոբիի կարգավիճակ ուներ։ Սակայն արդեն 7 ամիս անց ծառայության ժողովրդականությունը մի քանի անգամ մեծացավ եւ «Օդնոկլասնիկի»-ի լսարանը կազմում էր 1.5 մլն մարդ։

2008թ. աշնանը սոցիալական կայքը սկսեց բաժանորդավճար գանձել գրանցվելու համար, ինչն օգտատերերին հարկադրեց իրենց ուշադրությունը սեւեռել անվճար գրանցումով կայքերի վրա («VK, Facebook» եւ այլն)։

Վճարովի գրանցումը 2010թ. չեղյալ հայտարարվեց։

2013թ. հունվարի 1-ի դրությամբ կայքում գրանցված է 205 մլն օգտատեր։ Օրական կայք է այցելում 40 մլն մարդ։