Ռուսաստանը տեխնիկական օգնություն կցուցաբերի Հայաստանին մաքսային սարքավորումներ ձեռք բերելու գործում: Համապատասխան որոշման նախագիծը հավանության է արժանացել մարտի 26-ին կայացած ՀՀ Կառավարության նիստում: Ինչպես նշել է Ֆինանսների նախարարի առաջին տեղակալ Պավել Սաֆարյանը, հայկական կողմը կստանա անհրաժեշտ հաշվողական եւ հեռահաղորդակցության տեխնիկա:
Բացի այդ հայ մասնագետները կանցնեն վերապատրաստման դասընթացներ մաքսային վերահսկողության ոլորտում, իսկ սահմանային սանիտարական ծառայությունների աշխատակիցները` անասնաբուժական եւ ֆիտոսանիտարական վերահսկման ոլորտում: Նշված ծրագրերի իրականացման համար նախատեսվում է տրամադրել 47 մլն դոլար (կամ համարժեք ռուսական ռուբլի), ինչպես նաեւ 130 մլն ռուբլի։ Գումարը տրամադրվելու է 3 տարվա ընթացքում: