McDonald's ընկերությունը պաշտոնապես թողարկել է հագուստի եւ տան պարագաների իր առաջին շարքը: Այս մասին գրում է բրիտանական Metro պարբերականը՝ կատակելով, որ հիմա Բիգ Մաքը կարելի է նաեւ հագնել:
McDonald's-ից հավաքածուն ներառում է անձրեւանոցներ, ռետինե ճտքակոշիկներ, պատի պաստառներ եւ Բիգ Մաքի նկարով այլ ապրանքներ: Թեմատիկ արտադրանքն այս շաբաթ ներկայացվել է Ստոքհոլմում, իսկ վաճառվում է շվեդական Big Mac առցանց-խանութում:
Gazeta-ի փոխանցմամբ, հավաքածուն թողարկվել է imlovingit24 արշավի շրջանակում, որն ընկերությունն անցկացնում էր ամբողջ աշխարհում: Մասնավորապես, Ստոքհոլմում McDonald's-ի հումորային նորաձեւության ցուցադրություն է անցկացվել, իսկ Մադրիդում հսկայական «Բիգ Մաք» խճանկար են հավաքել: Ակցիաներ են անցկացվել նաեւ Սիդնեյում եւ Լոնդոնում: