Հայաստանում կարեւորագույն ապրանքները վաճառվում են 250 տոկոս բարձր գնով: Այս մասին այսօր՝ մարտի 26-ին, ԱԺ-ում հայտարարել է ՀԱԿ խմբակցության ղեկավար Լեւոն Զուրաբյանը՝ ՏՄՊՊՀ 2015-ի ծրագրի քննարկման ժամանակ:
Նրա խոսքով՝ ներկրողների մենաշնորհները ծածկող պետությունը մատների արանքով է նայում գերշահույթներին, որոնք մի խումբ արտոնյալ բիզնեսմեններ կլպում են աղքատագույն երկրում:
«Մի շարք հեղինակավոր տնտեսագետներ նշում են, որ վերջին մի քանի տարիներին այնպիսի ապրանքներ, ինչպիսիք են ցորենը, միսը, շաքարը, սուրճը, բուսական յուղը Հայաստան են հասնում 100-255 տոկոս բարձր գնով, բայց պետությանն, իհարկե, ձեռնտու է այդ մասին լռելը»,-հայտարարել է Զուրաբյանը: