ԱՄՆ Գլենդել քաղաքում մարտի 6-ին վրաերթի հետեւանքով զոհված 4-ամյա Վիոլետա Խաչատրյանի ընտանիքին օգնելու համար նվիրաբերվել է ավելի քան 46 հազար ԱՄՆ դոլար:
Գլենդելի քաղաքապետ Զարեհ Սինանյանը մարտի 9-ին հայտարարությամբ էր հանդես եկել Crowdrise կայքում՝ խնդրելով մարդկանց օգնել Խաչատրյանների ընտանիքին:
«Ընտանիքի անդամների հետ զրույցից պարզ դարձավ, որ նրանք դժվարին կացության մեջ են եւ դժվարանում են հոգալ հոգեհանգստի եւ հուղարկավորության ծախսերը»,- ասել է քաղաքապետը։
Նշենք, որ զոհված փոքրիկի ծնողներն ԱՄՆ են տեղափոխվել Կանադայից: Վիոլետան իրենից մեծ քույր ունի:
Հիշեցնենք, որ 4-ամյա Վիոլետա Խաչատրյանը մահացել էր մարտի 6-ին տեղի ունեցած վրաերթի հետեւանքով։ Հարվածն այնքան ուժեղ է եղել, որ երեխան օդում շուրջ 12 մետր թռել է, ընկել այլ մեքենայի վրա եւ կոտրել հետեւի ապակին: Ավելի ուշ վթարին մասնակցության մեջ կասկածվող Գլենդելի 55-ամյա բնակիչ Շանթ Բադլյանը ներկայացել է ոստիկանություն եւ ձերբակալվել, իսկ հետո գրավի դիմաց ազատ է արձակվել:
