Ամերիկյան Apple կազմակերպության ղեկավար Թիմ Քուքը պլանավորում է իր ողջ կարողությունը, բացառությամբ զարմիկի կրթության համար անհրաժեշտ գումարի, ծախսել բարեգործական նպատակներով։ Այս մասին գործարարը հայտարարել է մարտի 26-ին Fortune ամսագրին տված հարցազրույցի ժամանակ։
Պարբերականի հաղորդմամբ՝ Քուքին պատկանող ակտիվները գնահատվում են 800 մլն դոլար։ Apple-ի ղեկավարը մտադիր է այդ միջոցները օգտագործել ՁԻԱՀ-ի դեմ պայքարելու, մարդու իրավունքների պաշտպանության եւ ԱՄՆ միգրացիոն համակարգում բարեփոխումներ անցկացնելու նպատակով, հաղորդում է ՏԱՍՍ-ը։
Քուքը հայտնել է, որ առանց ավելորդ աղմուկի ինքն արդեն սկսել է բարեգործություն կատարել։ Apple-ի ղեկավարը նշել է, որ մտադիր է վճարել իր զարմիկի ուսման համար, որն այս պահին դեռ 10 տարեկան է։
Նշենք, որ 2012թ. նա Սթենֆորդի համալսարանի հիվանդանոցներին նվիրաբերել էր 50 մլն դոլար։