Թուրքիայի նախագահ Ռեջեփ Թայիփ Էրդողանը մեղադրել է Իրանին՝ Եմենի հուսի ապստամբներին օգնելու եւ Մերձավոր արեւելքի տարածաշրջանում գերիշխանության հասնելու ձգտման համար, հաղորդում է «ՌԻԱ նովոստին»:
«Իրանը ձգտում է գերիշխանության տարածաշրջանում: Դա սկսել է արդեն նյարդայնացնել ԱՄՆ-ին, Սաուդյան Արաբիային եւ Պարսից ծոցի երկրներին: Դա իսկապես անտանելի է եւ Իրանը պետք է տեսնի դա»,-հայտարարել է Էրդողանը:
Էրդողանն Իրանին կոչ է արել «դուրս բերել իր բոլոր զորքերը» Եմենից, Սիրիայից եւ Իրաքից: