Գրող, հրապարակախոս Հրանտ Մաթեւոսյանի եղբորորդի Թովմա Մաթեւոսյանի սպանության մեջ մեղադրվող Տիգրան Մելիքյանը դադարեցրել է հացադուլը: Այս տեղեկությունը NEWS.am-ի թղթակցի հետ զրույցում հաստատեց ՔԿՎ Հանրային կապերի բաժնի պետ Գոռ Ղլեչյանը:
«Վանաձոր» ՔԿՀ-ի կալանավորը հացադուլ էր հայտարարել մարտի 18-ից, նա բողոքում էր իր դեմ հարուցված քրեական գործից:
Ավելի վաղ NEWS.am-ը հայտնել էր, որ 2013թ. մայիսի 15-ին Վանաձոր քաղաքում ժամը 22:00-ի սահմանում «Մոտկորի» անտառապետ Թովմա Մաթեւոսյանի եւ բնապահպանության տեսուչ Տիգրան Մելիքյանի վիճաբանության ժամանակ դանակահարություն էր տեղի ունեցել, ինչի հետեւանքով «Մոտկորի» անտառապետ Թովմա Մաթեւոսյանը մահացել էր: Բնապահպանության տեսուչ Տիգրան Մելիքյանը 2013թ.-ի մայիսից գտնվում է կալանքի մեջ:
