Ինչո՞ւ է ռուսական արտադրության բենզինը ԵՏՄ անդամ Հայաստանում շուրջ 25 տոկոսով ավելի թանկ, քան Վրաստանում: Այս հարցի վերաբերյալ անիմացիոն տեսանյութ է պատրաստել «Իրազեկ Քաղաքացիների Միավորում» ՀԿ-ն:
Որեւէ մեկի համար գաղտնիք չէ, որ Հայաստանում «ռեգուլար» տեսակի բենզինի գինն այժմ 420 դրամ է: Այն վարորդներն, ովքեր հաճախ մեկնում են Վրաստան, գիտեն, որ այնտեղ բենզինի գինը, որպես կանոն, համարյա նույնն էր, ինչ որ Հայաստանում: Սակայն, վերջին մի քանի ամսում Վրաստանում բենզինի գինը էական անկում է ապրել` հասնելով 1,6 լարիի (մոտ 340 դրամ):
Տեսանյութում խոսվում է այն մասին, թե ինչո՞ւ է նույն ռուսական արտադրության բենզինը ԵՏՄ անդամ Հայաստանում շուրջ 25 տոկոսով ավելի թանկ, քան Վրաստանում` ի հեճուկս ռուս-վրացական թշնամական հարաբերությունների: