Սաուդյան Արաբիայի ՌՕՈՒ-ն դաշնակիցների հետ անցյալ գիշեր մի շարք օդային հարվածներ է հասցրել Սանայի ու Սաուդյան Արաբիայի հետ սահմանակից Եմենի մի քանի շրջանների ուղղությամբ։

Ինչպես հայտնում է «Ալ Մանար» հեռուստաալիքը, ռմբակոծվել են կենսականորեն կարեւոր օբյեկտներ եւ մի շարք պետական հաստատություններ։ Եմենի Հանրապետության առողջապահության նախարարության տվյալներով՝ կան տասնյակ զոհեր եւ վիրավորներ։ Խաղաղ բնակչության շրջանում զոհերի մասին ոչինչ չի հաղորդվում։

Առավոտյան քաղաքային իշխանությունների կոչով հարյուրավոր կամավորներ մեկնել են փրկարարներին օգնության, գրում է ՏԱՍՍ-ը։

Հաղորդվում է, որ ավիահարվածները հասցվել են Հանրապետական գվարդիայի բազայի եւ ներքին զորքերի շտաբի ուղղությամբ։ Հարձակումները կազմակերպվել են ապստամբ շիաների եւ նրանց կողմն անցած բանակային մասերի դիրքերի ուղղությամբ։ Հարձակման են ենթարկվել անեւ Սանայում եւ Լահջում շիա ապստամբների հրամանատարական կետերը։

Շիա հուսիների ՀՕՊ ուժերը կրակ են արձակել հակառակորդի ինքնաթիռների ուղղությամբ , գրում է «Ալ Մանարը»։