ԱՄՆ Մերիլենդի համալսարանի ուսանողները բարեգործական խմբաքանակով ապարանջաններ կպատրաստեն ողջ աշխարհում ազատազրկման մեջ գտնվող լրագրողներին աջակցելու համար։ Այս մասին գրում է Associated Press-ը։
Համալսարանին կից լրագրության դպրոցի ուսանողները գումար են հավաքում 10 000 ապարանջան պատրաստելու համար, որոնց վրա կլինեն բանտարկված լրագրողների անունները։ Վաճառքից ստացված գումարը կտրամադրվի լրագրողների օգնության հիմնադրամին։
Ապարանջանների վրա կհայտնվեն Չինաստանի, Եգիպտոսի, Իրանի, Վիետնամի եւ այլ աֆրիկյան եւ ասիական երկրների բանտերում գտնվող լրագրողների անունները։ Նախկին ԽՍՀՄ երկրներում ձերբակալված լրագրողների թվում են Հադիա Իզմայլովան (Ադրբեջան) եւ Յուսուֆ Ռուզիմուրադովը (Ուզբեկստան)։