ԲՀԿ խմբակցությունում այսօր փաստացի կա 33 պատգամավոր, որից ԲՀԿ անդամներ են 22–ը։ Այս մասին այսօր՝ մարտի 27-ին, ԱԺ-ում ճեպազրույցների ժամանակ հայտարարել է ԲՀԿ խմբակցության պատգամավոր Վահան Բաբայանը:
Նրա խոսքով՝ փետրվարի սկզբից կուսակցությունից դուրս գալու հայտարարություն է ներկայացրել 11 պատգամավոր: «Սա այն տեղեկությունն է, որը մենք ունենք: Արդյոք որեւէ մեկը մտադրություն ունի՞ դուրս գալ խմբակցությունից, իմ կողմից այդ մասին խոսելն իրավաչափ չէր լինի փաստերի բացակայության պայմաններում»,-հավելել է Բաբայանը:
Դիտարկմանը, որ ըստ ԱԺ կայքի տվյալների, ԲՀԿ-ում է մնում նաեւ Գագիկ Ծառուկյանը, ով մարտի 5-ին հայտարարել էր քաղաքականությունից եւ ԲՀԿ-ից հեռանալու մասին, Բաբայանն արձագանքել է. «Միայն կարող եմ կրկնել, որ հեռանալու մասին դիմում է ներկայացրել 11 մարդ»: