Մինչեւ ապրիլի 24-ը Հիմնադիր խորհրդարանը կմտափոխվի։ Այս մասին մարտի 27-ին խորհրդարանական ճեպազրույցների ժամանակ հայտարարեց ԱԺ Հանրապետական խմբակցության ղեկավար Վահրամ Բաղդասարյանը՝ մեկնաբանելով «Հիմնադիր խորհրդարան» նախաձեռնության պլանները՝ բողոքի ակցիա կազմակերպել Հայոց ցեղասպանության հիշատակի օրը։ «Պետք է հասկանանք, թե դա ինչ օր է, եւ որ կան բաներ, որոնք ապրիլի 24-ի կողքին նույնիսկ դնել չի կարելի։ Չեմ ուզում որեւէ բնութագրեր տալ նրանց, հնարավոր է, դուք ինքներդ դա անեք»,- հայտարարել է նա։

Պատգամավորը հույս հայտնեց, որ մինչեւ ապրիլի 24-ը ակտիվիստները կմտափոխվեն եւ կհրաժարվեն իրենց մտադրություններից։ Հարցին, իսկ եթե ո՞չ, նա պատասխանեց. «Կարծում եմ, այո»։

Հիշեցնենք, որ «Հիմնադիր խորհրդարան»-ը հայտարարում է Հայաստանում մինչեւ ապրիլի 24-ը իշխանափոխության հասնելու անհրաժեշտության մասին։ Օրվա ընտրությունը հայ հասարակության  մեջ միանշանակ չի ընկալվում։